Во 2011 година компанијата „Орка холдинг“ го објави почетокот на работа на фондацијата „Илија Камчев“, која го носи името на основачот на оваа високореномирана компанија. Хуманизмот, визијата и одговорноста на основачот на компанијата остануваат непресушна инспирација за сите нас, продолжувачите на неговата филантропија.
Фондацијата „Илија Камчев“ има за основна цел да помогне во неопходната едукација на млади и перспективни медицински кадри, доктори, преку стипендирање, односно доделување финансиски средства за нивна стручна специјализација, како и овозможување бесплатно усовршување во Клиничката болница „Аџибадем Систина“ и други реномирани медицински центри.
Фондацијата „Илија Камчев“, исто така, поддржува активности кон други сегменти во општеството кои се од интерес за пошироката јавност. Фондацијата поддржува и е активно вклучена во реализација на проекти и иницијативи кои придонесуваат кон развојот на издаваштвото, уметноста и културата, социјалната грижа, развојот на спортот, зачувувањето на животната средина и други активности од општествен интерес.
„Орка холдинг“ во својата фондација „Илија Камчев“ ја постави целта да креира и создава проекти кои ќе остават траен и квалитетен белег во општеството и со тоа ќе биде пример на однесување.
Во периодот од 2014-2018 година Фондацијата има остварено повеќе донации:
Воедно преку подружницата Арт Скопје, Фондацијата има за цел и задача да дејствува во областа на уметноста во Р Македонија преку поддршка на млади уметници, организирање уметнички изложби и други активности со цел афирмација на уметноста и нејзините творци.
Центарот за современа уметност „Арт Скопје“ претставува дел од проектната активност на Фондацијата „Илија Камчев“.Фондацијата започнува со инвестирање во нов и уникатен проект за развој и поддршка на креативноста и слободниот уметнички дух. Центарот има за цел збогатување на содржината на културни настани и пред сè промоција и поддршка на младите талентирани уметници во државата.
„Арт Скопје“ е своевиден почеток на генералната цел, а тоа е создавање независен центар за развој на културата и современата уметност во Република Македонија. Фокус на програмска платформа се младите генерации македонски сликари, скулптори и мултимедијални уметници. Дел од активностите на Центарот ќе бидат наменети за иницирање на меѓународна соработка и размена на искуства со уметници, куратори и организации од целиот свет.